Të drejtat e përdorimit të tre brezave të rinj 4G do të shiten në ankand nga Autoriteti i Komunikimeve Elektronike dhe Postare.
Secila license fillon ankandin nga një minimum shitjeje prej 7,4 milion euro. Te tre brezat bashkë shkojnë në mbi 22 milionë euro. Të drejtat e përdorimit jepen me qëllim ndërtimin e rrjeteve tokësore të komunikimeve elektronike për të ofruar shërbime të komunikimeve elektronike, në të gjithë territorin e Republikës së Shqipërisë.
Sipas AKEP këto frekuenca do të mundësojnë internet të shpejtë për zonat turistike, rrugët nacionale, urat, tunelet, zonat e largëta, por edhe në zonat ekzistuese ku ka shumë mbipopullim.
Nëse shpallet fitues operatori që do të licensohet është i detyruar që brenda dy muajsh të fillojë shfrytëzimin e brezit të frekuencave 4G.
Top Channel
