Aktivizimi i Speciale-s për UÇK-në: kush është kryeprokurori i ri dhe ç’gjasë ka të ngre aktakuzat e para sivjet

Mos i humb

Nga Blendi Gashi

Pas largimit të David Schwediman nga pozita e kryeprokurorit të Dhomave të Specializuara dhe Zyrës së Prokurorit të Specializuar në Kosovë, një tjetër amerikan është caktuar të udhëheq me këtë institucion. Është prokurori Jack Smith, i cili ka qenë pjesë e departamentit të drejtësisë në SHBA për 16 vite.

Smith ka përvojë edhe nga e kaluara në gjykatat edhe jashtë SHBA-ve, pasi ka shërbyer për një kohë edhe në Sudan.

Aktualisht, Smith është nënkryetar dhe kreu i seksionit të padive i Korporatës Spitalore të SHBA-së, organizata shëndetësore joqeveritare më e madhe në SHBA, një post të cilin e ka pasur që në shtator 2017.

A do t’i duhet kohë për t’i ngritur aktakuzat?

Prokurori amerikan, 48 vjeçar, është raportuar nga mediat të ketë thënë se ka kërkuar rreth një vit kohë për t’u familjarizuar me procedurën dhe lëndët që do të trajtojë Specialja.

Por këtë nuk e ka thënë zyrtarisht pasi është emëruar zyrtarisht.

“Është nder dhe kënaqësi që më ofrohet kjo sfidë dhe jam i gatshëm t’i çoj hetimet më tej”, ka deklaruar shkurt Smith.

Ndërsa avokati Tomë Gashi e quan spekulim lajmin se kryeprokurorit të ri i duhet një vit kohë për të ngritur aktakuzat.

Kryeprokurori Jack Smith ka përvojë juridike në këtë punë dhe nuk është e vërtetë se atij do t’i nevojitet rreth një vit për t’u familjarizuar me procedurat dhe me lëndët që do të trajtohen në Gjykatën Speciale në Hagë”, thotë avokati Gashi për tesheshi.com.

Ai beson se shumë shpejt do të ngriten aktakuzat e para, ndërsa jep arsyen pse deri më tani nuk ka ndodhur një gjë e tillë.

Është e vërtetë se largimi i prokurorit të mëhershëm amerikan, David Shëendiman ka prolonguar ngritjen e akuzave të para në Gjykatën Speciale, por kjo nuk do të ndodhë gjatë dhe shumë shpejt do të kemi aktakuzat e para të ngritura në Gjykatën Speciale, për shkak se Gjykata Speciale është funksionale që nga qershori i vitit 2017 dhe për shkak të ruajtjes së kredibilitetit- besueshmërisë së kësaj gjykate ndërkombëtare, e cila vetëm formalisht është gjykatë e Kosovës”, thotë Gashi.

“Të përmbushë mandatin…”

bi emërimin e kryeprokurorit të ri të Specializuar, ka folur edhe kryetarja e Dhomave të Specializuara, Ekaterina Trendafilova  e cila pret që Smith ta shërbejë për përmbushje të mandatit të Zyrës së Prokurorit të Specializuar, por nuk ka dhënë ndonjë datë se kur mund të ngirten aktakuzat e para.

I ofroj z. Smith përgëzimet e mia të sinqerta me rastin e emërimit të tij dhe kam besim që përvoja e tij e gjatë në fushën e hetimeve dhe ndjekjeve penale, si në Shtetet e Bashkuara ashtu dhe në nivel ndërkombëtar, do të shërbejë për përmbushjen e mandatit të Zyrës së Prokurorit të Specializuar. Do të kem kënaqësinë të krijoj marrëdhënie të frytshme pune me z. Smith dhe kam besim se Zyra e Prokurorit të Specializuar do të bëjë përparim të mëtejshëm në drejtim të përmbushjes së mandatit të saj”, ka deklaruar Trendafilova.

Kujtojmë se Gjykata Speciale u krijua në shtator 2016 për të kryer hetimet në pretendimet e përfshira në të ashtuquajturën raportin Marty në Asamblenë Parlamentare të Këshillit të Evropës në janar 2011 mbi supozimet e tij për trafikim të organeve të disa civilëve serbë nga disa ish-pjesëtar të Ushtrisë Çlirimtare të Kosovës. /tesheshi.com/

- ISLAMSHOP.CH -spot_img
- ISLAMSHOP.CH -spot_img

Të fundit