Alibeaj: Hapja e negociatave i jep fund arbitraritetit të Ramës

Mos i humb

Opozita ka qenë e pranishme sot në Komisionin e Ligjeve ku kërkoi që çelja e negociatave të jetë prioritet i Kuvendit. Enkelejd Alibeaj tha se janë dhe dy javë derisa të meret vendimi dhe është hapësira “për të cilën ju dhe kryeministri juaj ka mundësi për të dhënë prova të forta që po, do çeljen e negociatave”.

 Ai tha se detyra e të zgjedhurve është t’i shërbejnë interesin publik. “Angazhimi ynë i opozitës është bërë i qartë shumë kohë më parë. Kjo opozitë është e vendosur qartazi dhe në mënyrë konsistente dhënies së kontributit për çeljen e negociatave si një lloj vlerësimi që duhet ta miratoj historia politike këtij vendi. Fatkeqësisht ne jemi shumë të qartë në pozicionin tonë politik, ky vend e meriton çeljen e negociatave jo thjesht se ka arritje, por për arsye tjetër, si e si që një dorë tjetër e fortë e sinqertë institucionale t’ia mbyllë një orë e më parë arbitraritetin e këtij kryeministri. Mundësisht delegjitimimin e tij, largimin një orë e më parë”, tha deputeti Alibeaj.

Mjeti kryesor që duhet të na udhëheqë tha Alibeaj është inspirimi europian i opozitës. Ai dha alarmin dhe për Gjykatën Kushtetuese. “Ne besojmë që inspirimi europian i opozitës dhe gjithë shqiptarëve do të duhet të jetë mjeti i vetëm kryesor që do të duhet të na udhëheqë. Nuk ka nevojë më të madhe tashmë për Shqipërinë e shqiptarët për të shkuarën e sidomos për të ardhmen për të gjetur aleat besnik fanatik që ia duan të mirën këtij vendi për të larguar të keqen më të madhe, kryeministrin, Edi Ramën që në agjendën e vet nuk e ka këtë gjë. Ka vetëm një axhendë, ruajtjen e karriges së vet me çdo mjet, mënyrë e pazar”, vijon Alibeaj.

Qeveritë vijnë e ikin, parlamentet vijnë e ikin, por sistemi i drejtësisë është ai që duhet të rrijë thotë Alibeaj por ai u shkatërrua i pari, referuar situatës aktuale në Gjykatën Kushtetuese.

 Top Channel
- ISLAMSHOP.CH -spot_img
- ISLAMSHOP.CH -spot_img

Të fundit