Ambasadori amerikan, presidentit të Çekisë: E mbështesim fort Kosovën e pavarur dhe sovrane!

Mos i humb

Këto ditë kur presidenti i Çekisë, Millosh Zeman, po flet gjithandej për mundësinë që shteti i tij të tërheq njohjen për pavarësinë e Republikës së Kosovës, një mesazh i fortë i ka ardhur nga Ambasadori i SHBA’së në Republikën çeke, Stephen B.

King.Këtë mesazh King e ka dërguar pas një takimi që ka pasur sot me ambasadorin e Kosovës në Pragë, Arbër Vllahiun.Ai ka thënë se ShBA’ja ka mbështetje të palëkundur për Republikën e Kosovës, si një vend sovran dhe të integruar plotësisht në institucionet ndërkombëtare.

‘Ishte nder që të takohem këtë mëngjes me ambasadorin Arbër Vllahiu, dhe të riafirmojë me të mbështetjen e palëkundur të Shteteve të Bashkuara për një Republikë sovrane dhe të pavarur të Kosovës, të integruar plotësisht në bashkësinë ndërkombëtare”, ka shkruar King në llogarinë e tij në tëitter.

Presdienti i Çekisë, Millosh Zeman, gjatë një vizite dy ditore në Beograd, i ka thënë Vuçiqit se do të marrë një nismë në shtetin e tij, për të shqyrtuar mundësinë e tërheqjes së njohjes për pavarësinë e Republikës së Kosovës.

Megjithatë Zeman e ka pranuar edhe vetë që një gjë e tillë është shumë e vështirë, pasi që Qeveria e Republikës së Çekisë ka qëndrim plotësisht të kundërt sa i përket Kosovës.

Se Zemanin nuk e pyet askush e tregon edhe deklarimi tallës i Minsitrit të Punëve të Jashtme të Çekisë, Tomas Petriçek, i cili ka thënë se Zeman po flet keq vetëm pse Kosova e ka mposhtur Çekinë në futboll. Roli i Zeman si president është ceremonial, dhe vendimet e mëdha në Çeki merren nga Qeveria.

- ISLAMSHOP.CH -spot_img
- ISLAMSHOP.CH -spot_img

Të fundit