Ambasadori i ri i Rusisë në Serbi, Alexander Bocan Harchenko është takuar sot me presidentin e Serbisë, Aleksandar Vuçiç
Harchenko i është drejtuar Vuçiçit në gjuhën serbe me rastin e marrjes së detyrës së re, raportojnë mediat serbe.
Ai po ashtu i ka sjellë një letër Vuçiçit duke thënë se pak shtete në botë zhvillojnë politikën të jashtme të pavarur, si Serbia, duke përmendur edhe raportet e ngushta me Moskën.
Harchenko konsiderohet si ekspert i Ballkanit dhe është zotuar se do të punojë në përforcimin e bashkëpunimit mes Serbisë dhe Rusisë, që aktualisht është në nivel të lartë.
Portali serb “Blic” nëpërmjet burimeve të saja ka njoftuar se Harchenko i ka sjellë Vuçiqit një mesazh nga presidenti rus, Vladimir Putin, në lidhje me Kosovën.
