Arrestimet tek “Unaza e Re”, PD padit krerët e policisë: Të pezullohen nga detyra!

Mos i humb

Ushtarët izraelitë martirizojnë një palestinez në kufirin e Gazës

Një palestinez është martirizuar dhe tre të tjerë janë plagosur si pasojë e zjarrit të hapur nga ushtarët izraelitë në kufirin jugor...

Indonezia shpallet e çliruar nga koronavirusi vrasës vetëm “për arsye të lutjes”

Megjithse nuk kishte deklaruar deri tani asnjë rast të koronavirusit të ri vrasës SARS-CoV-2, Indonezia ka deklaruar sot se është e çliruar nga koronavirusi...

Australi, 75 për qind e popullsisë është prekur nga zjarret

Më shumë se 75 për qind e popullsisë u prek drejtpërdrejtë ose indirekt nga zjarret e pyjeve të cilat pasi filluan në shtator 2019...

Zëdhënësi i Presidencës Turke dënon të shtënat në Gjermani

Zëdhënësi i Presidencës Turke, Ibrahim Kalın tha se Turqia pret që autoritetet gjermane të angazhohen fuqishëm për të zgjidhur rastin e të...

Partia Demokratike padit Drejtorin e Policisë së Qarkut Tiranë, Shefin e Komisariatit të Policisë së Shtetit nr. 6, Punonjësit e Policisë së Shtetit, pas arrestimeve të ndodhura mbrëmjen e kaluar tek “Unaza e Re”, ku kjo forcë politike pretendon se uniformat blu kanë dhunuar protestuesit.

PD i kërkon Prokurorisë hetimin ndaj këtyre zyrtarëve të Policisë së Shtetit, pasi sipas saj, janë angazhuar në aksionin policor të dhunimit flagrant të protestuesve, ndonëse këta të fundit kishin kërkuar leje për tubim paqësor urgjent kundër projektit korruptiv të “Unazës së Re”.

Në padi, kërkohet edhe pezullimi i ushtrimit të detyrës publike të përfaqësuesve të lartpërmendur të policisë.

Akuzat në padinë që Partia Demokratike ka depozituar në prokurori janë: “Shpërdorim i detyrës”, “Kryerje e veprimeve arbitrare”, “Mosmarrje e masave për të ndërprerë gjendjen e paligjshme”, “Pengim në ushtrimin e të drejtës për t’u shprehur, grumbulluar apo manifestuar”.

Partia Demokratike në kallëzimin e saj, duke evidentuar shkeljet e Policisë, pasi arrestoi banorët e Unazës Re, punonjës të medias, duke fshirë çdo filmim të kryer nga punonjës të PD, thekson se të gjitha veprimet e mësipërme janë të paligjshme dhe kriminale, si dhe përbëjnë vepër penale, të kryer nga punonjës të Policisë së Shtetit, duke rrezikuar në këtë mënyrë cenimin e parimeve themelore të një shteti demokratik.

“Banorët e Unazës së Re kanë zhvilluar protestën e tyre paqësore dhe pa asnjë akt dhune. Në përfundim të protestës, një numër i konsiderueshëm punonjësish policia, disa prej tyre të paidentifikuar dhe të veshur civil, kanë filluar një aksion të paligjshëm policor, duke shoqëruar dhe më pas arrestuar me dhjetra qytetarë. Disa prej qytetarëve që i është hequr liria, rezulton se kanë qenë thjeshtë kalimtar në zonën ku ishte zhvilluar protesta. Disa të tjerë kanë qenë pjesëmarrë në atë proteste. Qytetarët pa asnjë shkak janë shoqëruar për në ambientet e Komisariatit nr. 6 Tiranë dhe në Drejtorinë e Qarkut Tiranë”, thuhet në kallzim.

Mes të tjerave, në padi theksohet fakti se punonjësit e Policisë së Shtetit, duke vepruar në kundërshtim me ligjin, jo vetëm kanë kryer veprime apo mosveprime të paligjshme, që kanë prekur interesat e shtetasve, por nga ana tjetër, me veprimet e tyre arbitrare, kanë cënuar lirinë e qytetarëve dhe kanë synuar t’i intimidojnë dhe pengojnë në ushtrimin e të drejtës së tyre kushtetuese për të protestuar, paqësisht dhe pa armë.

Gjithashtu, në padinë e PD theksohet se liria e tubimit paqësor dhe pa armë është e garantuar, për rrjedhojë organet e pushtetit publik jo vetëm që duhet të respektojnë këtë liri por kanë dhe detyrimin për të kontibuar në realizimin e saj.

“E drejta kushtetuese për të tubuar, në një shtet demokratik, merr një rëndësi të veçantë. E drejta për t’u tubuar lirisht dhe pa ndonjë leje të veçantë me të tjerë, ka qenë gjithnjë e vlefshme si shenjë e lirisë, pavarësisë dhe fjalës së lirë të qytetarit të përgjegjshëm. Garantimi i lirisë për aktivitetet politike në të njëjtën kohë edhe një vendim, i cili shtrihet përtej mbrojtjes së shpalosjes së personalitetit nga ndërhyrjet shtetërore. Kushtetuta garanton si të drejtë mbrojtëse, për mbartësit e së drejtës, e cila u shërben mbi të gjitha pakicave që mendojnë ndryshe të drejtën për të vendosur vetë për vendin, orën, llojin dhe tematikën e tubimit dhe, në të njëjtën kohë, ndalon forcën e shtetit për të marrë pjesë apo për t’i ndenjur larg një tubimi”, thuhet në në padinë e depozituar nga Sekretari i Përgjithshëm i Partisë Demokratike, Gazment Bardhi.

Sipas PD, arsyetimi i dhënies së lejes nga ana e Policisë bie, pasi siç theksohet në padi, “Marrja paraprakisht e lejes për tubim ka qenë kërkesë ligjore e një ligji që tashmë është shfuqizuar dhe nuk është në përputhje me evoluimin e jurisprudencës së GJEDNJ-së. Kjo për faktin pasi tubimi mund të jetë paqësor edhe pse nuk është bërë njoftim formal për zhvillimin e tij”, thuhet në padinë e Partisë Demokratike.

- Reklamë -
- Reklamë -

Të fundit

Nga perimet deri tek mishi, sa minuta i duhet çdo ushqimi për t’u tretur

Ndikimi i tretjes në humbjen e peshës është shumë domethënës. Siç na u tha shumë herë, ne jemi ato që hamë

Lakra të fërguara dhe patate

Të jeni të sigurtë që e gjithë familja do e adhurojë. Më poshtë do të gjeni recetën e përgatitjes hap pas hapi

Studimi i ri: Varësia ndaj telefonave ndryshon strukturën e trurit, njejtë sikurse narkotikët

Shumica prej nesh këto ditë kemi telefona intelegjentë. Këto janë pajisje të jashtëzakonshme që na lejojnë të bëjmë më...

Përdoruesit e Samsung u trembën pasi pranuan një mesazh të çuditshëm në telefonat e tyre

Përdoruesit e Samsung kanë mbetur të habitur pasi morën njoftime të çuditshme. Përdoruesit e telefonit Galaxy në të gjithë...

Mblidhet sërish Task Forca e COVID-19, zyrtare: Nuk ka raste të konfirmuara me koronavirus në Shqipëri

Ministrja e Shëndetësisë dhe Mbrojtjes Sociale ka mbledhur pasditen e sotme sërish Task-Forcën e ekspertëve dhe drejtuesve të institucioneve shëndetësore për koronavirusin...