Lamtumirë “Worthersee Stadion”, impianti modern prej 32 mijë vendesh që Austria e rikontruktoi në kuadër të Europianit të vitit 2008 dhe ku u zhvilluan 3 takime. I ndodhur në qytetin e Klagenfurtit, pranë kufirit me Slloveninë, stadiumi i kushtoi organizatorëve të europianit plot 66 milionë euro dhe prej asaj kohe i ka shërbyer skuadrës së Austria Klagenfurtit.
Në Europian, stadiumi priti ndeshjet e vlefshme për grupin B, Gjermani-Poloni 2-1, Kroaci-Gjermani 2-1 dhe Poloni-Kroaci 0-1. Por stadiumi me 32 mijë vende është shumë i madh për ekipin e Klagenfurtit, që ka një mesatare shumë të ulët të tifozëve në stadium, vetëm 600 për ndeshje, ndaj Austria Klagenfurti do të përdorë një impiant modern, por më të vogël nga shtatori i këtij viti.