Në një deklaratë, Qendra e Krizës në Belgjikë njofton se me 660 raste të reja në 24 orët e fundit numri i rasteve me COVID-19 në vend është rritur në 48.519, ndërsa me 111 vdekjet e reja numri i të vdekurve ka arritur në 7.594.
Gjatë 24 orëve të fundit 178 persona janë shtruar në spital, ndërsa 293 persona janë shëruar. Ndërkohë numri i personave në kujdes intensiv është zvogëluar me 28 persona duke rënë në 769.
Ndërkohë, 46 për qind e vdekjeve janë shënuar në spitale, ndërsa 53 për qind në shtëpitë e të moshuarve.
- Përcaktohet data e normalizimit
Pas vlerësimeve të zhvillimeve të fundit nga ekspertët në Belgjikë është përcaktuar që faza e parë e normalizimit të fillojë me 4 maj.
Gjithashtu pritet që në të njëjtën ditë të fillojë punën edhe ekipi i emërtuar “dedektivët për Coronën” të cilët do të gjurmojnë burimin e sëmundjes dhe do të përcaktojnë personat në zinxhirin e kontakteve me të sëmurët.
Edhe kompania kombëtare e hekurudhave në Belgjikë ka njoftuar se do të vendosë në shitje nëpërmjet makinerive automatike nëpër stacione pajisjet e tilla si maska dhe dezifektantë.
Në anën tjetër njoftohet se ka arritur në 39 numri i qytetarëve me origjinë turke që kanë humbur jetën në vend.