Doktore në shkencat ekonomike, profesore në sigurinë kombëtare, por edhe drejtore e programit të Detit të Zi dhe Euro-Azisë në Qendrën Europiane të Studimeve të Sigurisë, George Marshall, Valbona Zeneli vjen me 39 artikuj të grumbulluar në një botim, në moshën e saj 39-vjeçare.
Nëpërmjet këtyre ajo përshkruan çështjet e sigurisë së Ballkanit edhe më gjerë, me librin “Në opinionin tim…”, çështje të sigurisë europiane, tregtisë dhe Ballkanit Perëndimor.
“Pak a shumë me këta artikujt e mij mendoj se kam folur edhe në emrin e atyre studentëve dhe kolegëve , të cilët kam takuar në udhëtimet e mia. mendoj se qeverisja e mirë, prosperiteti ekonomik nuk janë cështje që i takojnë vetëm vendimarrësve, por sigurisht janë cështje të cilat i takojnë edhe qytetarëve të thjeshtë”, thotë autorja Valbona Elezi.
Të pranishëm në promovimin e librit të saj kreu i shtetit Ilir Meta vlerësoi kontributin e saj të vecantë sidomos në çështjet e emigracionit.
“Ne në vendin tonë kemi një shprehje; dardha nën dardhë bie. Valbona përmes një fryme euroatlantike ka sjellë në këtë përmbledhje këndvështrimin e saj për sfidat me të cilat përballet sot rajoni i Ballkanit Perëndimor dhe e ardhmja e tij në NATO dhe BE. Në mënyrë të veçantë do të vlerësoja kontributin për trajtimin e cëshjteve të emigracionit dhe korrupsionit, forcimit të institucioeve dhe integrimit evropian, që janë tema të ditës në Shqipëri dhe rajon”, deklaroi Presidenti Meta.
“Valbona Zeneli është nga shqiptaret më të mira që është përfaqësuese jashtë Shqipërisë”, u shpreh Ambasadori amerikan, Donald Lu.
“Të jesh sot patriot do të thotë të kontribuosh në mëndimin intelektual të vendit tënd, ta bësh me dinjitet dhe të sigurohesh që në atë që thua dhe shkruan të ndezësh zjarrin e atdhedashurisë dhe të falenderoj se i ke bërë të treja”, deklaroi kryebashkiaku i Tiranës, Erion Veliaj.
Artikujt e paraqitur në këtë libër, ndricojnë gabimet që duhen shmangur në një periudhë të historisë sonë. Duke nxjeërrë në pqah që ngjarje të tilla si korrupsioni dhe emigracioni në Ballkan mund të kenë ndikim edhe më gjerë. Prandaj ato kërkojnë vëmendjen tonë të përqëndruar./Top Channel/
