Ministri i Punëve të Jashtme të Serbisë, Ivica Daciq, ka thënë se Prishtina është pengesa kryesore pse nuk po arrihet zgjidhja e kompromisit mes dy vendeve.
Daçiq shtoi se nuk e di se çfarë mund të presë nga dialogu i nesërm në Bruksel, në të cilin delegacionet e të dyja palëve do t’i udhëheqin presidenti i Kosovës Hashim Thaçi dhe homologu i tij serb Aleksandar Vuçiç.
Sipas tij thirrjen e BE-së për të gjetur një zgjidhje Prishtina nuk po e ndëgjon.
Në një intervistë për TV Prva, ai tha se e gjithë Evropa dhe bota bëjnë thirrje për marrëveshje, marrëveshje ligjërisht e obligueshme, ndërsa autoritetet kosovare janë pengesa kryesore për këtë. Ndryshe sot edhe presidenti Thaçi ka deklaruar se janë larg gjetjes së një marrëveshjeje me Serbinë./Kosova Post/