Daçiç thotë se Pacolli e ka kërcënuar me vrasje, reagojnë nga MPJ!

150
0

Ministria e Punëve të Jashtme në krye me Behgjet Pacollin ka reaguar lidhur me deklaratën e ministrit serb, Ivica Dacic, i cili kishte thënë se “Behgjet Pacolli e kishte kërcënuar me vrasje në Bukuresht”, në takimin joformal të organizuar nga Rumania.

Në këtë ministri i kanë kujtuar Dacicit, vrasjet e politikanëve në Serbi, duke thënë se e kaluara e vendit të tij është përplot krime ndaj të tjerëve, si dhe vrasje e vetëvrasje në mesin e tyre.

Këshilltari i Behgjet Pacollit, Fatmir Haxholli i ka sugjeruar Daciçit që të qetësojë turmat radikale, nëse mund t’I mbajë ende nën kontroll. Derisa i ka kujtuar se i njejti ishte bashkëpuntor i Millosheviçit.

‘’Janë serbët e përfaqësuar nga mentaliteti i Ivica Daçiç, ata që vranë Kryeministrin e tyre, Zoran Gjingjiç, kjo veçmas për faktin se në mungesë guximi për t’u përballur me të vërtetën historike, pavarësinë e Republikës së Kosovës, politikanët qyqarë sikurse Daçiq, nuk mund të shohin dalje nga situata, veçse përmes vrasjeve. Mos harroni, që janë pak media hulumtuese në Serbi, ato që tashmë kanë drejtuar gishtin te Beogradi zyrtar për vrasjen e Oliver Ivanoviçit. Çfarë t’i thuhet kësaj figure të veshur me petkun diplomatik, përpos se e kaluara e vendit të tij, është përplot krime ndaj të tjerëve, si dhe vrasje e vetëvrasje në mesin e tyre. Daçiq le t’i qetësojë turnat radikale në Serbi, nëse mund t’i mbajë ende nën kontroll, sepse duke mos pasur se kë të sulmojnë, ato lehtë mund të kthehen edhe kundër politikanëve qyqarë e gënjeshtarë. Daçiçit si bashkëpunëtor i Millosheviçit, me siguri i kujtohet edhe vrasja e Ivan Stamboliç’’, ka thënë Haxholli.

PËRGJIGJU

Please enter your comment!
Please enter your name here