Zv/kryeministri i Kosovës dhe kryetari i Nismës për Kosovën, Fatmir Limaj ka deklaruar se një nga detyrat që presin shpejt të përmbushet e që është një obligim njerëzor, kombëtar e qytetarë, është dhënia e shpërblimit të pagesave të gjithë mësimdhënësve që kanë punuar deri në vitin 1999.
Limaj këto komente i bëri në mbledhjen e Këshillit kombëtar të Nismës për Kosovën, ku theksoi se kjo është një detyrë njerëzore dhe shtetërore ndaj atyre qindra e mijëra grave dhe burrave që në rrethana shumë të vështira kanë mbajtur gjallë arsimin në vendin tonë. /Kosova Post/
