Ballina Kosova Donika Kadaj-Bujupi rikthehet në AAK: ja ç’kritika bëri ajo për Ramushin si...

Donika Kadaj-Bujupi rikthehet në AAK: ja ç’kritika bëri ajo për Ramushin si vetëvendosëse

11
0
SHPËRNDAJE

Saktësisht, dhjetë ditë pa u bërë dy vite që u largua nga AAK-ja (24 mars 2016), Donika Kadaj-Bujupi është rikthyer tek Ramush Haradinaj duke u largua nga Lëvizja Vetëvendosje, parti kjo që u përça së fundmi.

Është vet Ramushi që ka kumtuar lajmin për rikthimin e Donikës në AAK, ku ka treguar se ka zhvilluar një takim me të në zyrën e tij në Kryeministri.

“Me deputeten e Kuvendit, Donika Kadaj-Bujupi, bashkëbiseduam për zhvillimet aktuale politike në Kosovë. Nga sot, Donika i rikthehet Grupit Parlamentar të Aleancës për Ardhmërinë e Kosovës. Rrugëtimin nëpër proceset politike në vend do ta vazhdojmë bashkërisht“, shkruan Haradinaj në Facebook.

Ky rikthim i saj është aq i befasishëm, ashtu sa edhe kur u largua nga AAK, ku asnjëherë nuk u bën të qarta arsyet, ku vet Ramushi deklaroi se nuk i di arsyet pse u largua atëkohë nga partia, ndërsa Kadaj-Bujupi, pohoi se u dorëhoq “për arsye të disa vendimeve të njëanshme, siç ajo i quajti, të cilat sipas saj nuk po lejojnë të krijohen opsione për ndryshim”.

Rikthimi i saj tek Ramushi bëhet edhe më i çuditshëm kur emri i saj është përmendur se do t’i bashkohet krahut anti-Kurti, në krye me Dardan Molliqajn e Visar Ahmetin, të cilët pritet të themelojnë një parti të re, por edhe se ajo kritikoi jo pak kryeministrin Haradinaj si vetëvendosëse.

Ajo në janar të 2018-tës kërkoi dorëheqjen e Haradainajt pas lajmit për refuzimin e vizës nga SHBA-të.

“Nëse me të vërtetë i është refuzuar viza nga SHBA-të Kryeministrit, këtij të fundit nuk i mbetet gjë tjetër veç dorëheqjes. Dështimi i qeverisjes së vendit në mënyrë koherente me SHBA-të në fazën në të cilën gjendet vendi ynë është dëm i madh dhe çdokush që ka pjekuri shtet-formuese dhe ndjenja patriotike do të duhej të largohej nga skena politike për t’iu dhënë rast njerëzve të rinj e ide të reja, kreativitetit dhe më së shumti mençurisë shtet-formuese, ashtu që kombit tonë t’i hapen rrugët dhe të dalë nga izolimi i krijuar nga udhëheqës të papërgjegjshëm për gati dy dekada“, shkruajti Kadaj-Bujupi në Facebook.

Ajo poashtu e quajti qeverinë “Haradinajn”, qeveri e interesit.

“Kjo qeveri është qeveri e interesit, jo zhvillimore nuk shoh përparim këtu. Dikur kam besuar në AAK, dhe jam angazhuar në atë parti, por e kam kuptuar që nuk po funksionojnë dhe jam larguar, sepse gabimi që kanë bërë me PDK-në, është i pariparueshëm“, deklaroi ajo në televizionin Dukagjini.

Mbetet të shihet në orët në vazhdim se ç’arsye do të japë Kadaj-Bujupi për rikthimin në AAK ku nga largimi është përplasur me disa deputet të kësaj partie me të cilët tashmë do të jenë në një shtëpi dhe do të punojnë së bashku për të “mirën e qytetarëve”. /tesheshi.com/

PËRGJIGJU

Please enter your comment!
Please enter your name here