Jamal ishte një patriot dhe e donte Arabinë Saudite më shumë se kudo, shkroi në një artikull për The New York Times, Hatice Çengiz, e fejuara e gazetarit të zhdukur saudit, Jamal Khashoggi.
Pavarësisht nga dashuria për atdheun e tij, thekson Hatica, nuk kishte vend për të në vendin e tij të lindjes dhe ai u detyrua të arratisej me dy valixhe. Khashoggi jetoi për një vit në mërgim të vetë-shpallur në Shtetet e Bashkuara, ku ai shkroi kolona kritike mbi situatën në Arabinë Saudite dhe politikat e ndjekura nga Princi Mohammed bin Salman.
Cengiz thotë në shkrim se si fejuara e tij nuk e aprovoi ta quante atë një opozitar. Ai pretendonte të ishte një gazetar i pavarur që shërbente në vendin e tij.
“Nëse është e vërtetë se Jamal është vrarë, atëherë ai është një shehid (martir). Vdekja e tij do të jetë një humbje për secilin njeri moral dhe të ndjeshëm. Duhet të ndëshkohen rreptësisht ata që morën pjesë në ekzekutimin e tij”, ka shkruar ajo.
Ajo tha se i fejuari i saj fliste kundër veprimeve shtypëse dhe se ai po paguante çmimin e lirisë së tij për sauditët.
Në ditën e ditëlindjes së tij të 60-të, më 13 tetor, kur artikulli u botua, Hatice Cengiz theksoi se në atë ditë idetë e tij po jehonin nëpër botë. “Tirania do ta paguajë”, tha ajo.
Ajo theksoi se do ta merrte në konsideratë ftesën nga presidenti Trump për të vizituar Shtëpinë e Bardhë, ku administrata amerikane kërkon të dijë se çfarë ka ndodhur në konsullatën saudite në Stamboll me fatin e gazetarit./tesheshi.com/
