Presidenti i Turqisë, Recep Tayyip Erdogan, priti Sekretarin Amerikan të Shtetit, Rex Tillerson, në kompleksin presidencial në kryeqytetin e Turqisë, Ankara.
Takimi Erdogan-Tillerson zhvillohet i mbyllur për mediumet.
Tillerson është duke qëndruar në një vizitë pune dyditore në Turqi.
Të premten, ai pritet gjithashtu të takohet me homologun e tij turk Mevlut Çavusoglu, për të diskutuar marrëdhëniet dypalëshe dhe zhvillimet ndërkombëtare. Takimi pritet të pasohet nga një konferencë e përbashkët për shtyp.
Sekretari amerikan i Shtetit ka vizituar Egjiptin, Kuvajtin, Jordaninë dhe Libanin si pjesë e turneut të vizitave në Lindjen e Mesme, që filloi më 11 shkurt.
Tillerson vitin e kaluar më 30 mars zhvilloi një vizitë në Ankara dhe më 10 korrik në Stamboll./Rtv Islam/
