Gjykata Supreme e Filipineve në një deklaratë tha se 18.355 persona të privuar nga liria (PDL), ose të burgosur, u lanë të lirë midis 17 marsit dhe 15 majit të vitit 2020.
Gjykata mbajti 795 seanca dëgjimore përmes videokonferencave të rasteve të PDL-së nga 4-15 maji i vitit 2020, thuhet më tej.
Ka pasur raporte për vdekje të dyshuara për shkak të koronavirusit të ri (COVID-19) midis të burgosurve. Byroja e Korrigjimeve, e cila administron burgjet, nuk ka ofruar asnjë sqarim deri më tani.
Sipas Departamentit të Shëndetësisë në Filipine, sot janë regjistruar 205 infeksione të reja, duke sjellë numrin e rasteve të konfirmuara të virusit në 12.718.
Numri i vdekjeve është rritur në 831 pasi shtatë pacientë tjerë iu nënshtruan virusit. Ndërkohë rreth 2.729 pacientë janë shëruar nga sëmundja dhe janë liruar nga institucionet mjekësore deri më tani.
