Presidenti i Rusisë, Vladimir Putin ka bërë deklaratat e para në fillim të vizitës në Beograd.
Presidenti i Rusisë, Vladimir Putin ka mbërritur sot për vizitë në Serbi.
Ai është pritur në aeroportin “Nikola Tesla” nga presidenti serb, Aleksandar Vuçiç.
Dy presidentët kanë vazhduar për në Presidencë ku Putin ka bërë deklaratat e para publike. “Jam shumë i lumtur që kam ardhur këtu”, u shpreh ai.
“Faleminderit qytetarëve të Serbisë dhe banorëve të Beogradit për pritjen.
Jam shumë i lumtur që kam mundësinë të vizitojë Serbinë vëllazërore dhe të bisedojmë për atë që kemi bërë dhe çfarë duhet të bëjmë.
Po ashtu, dua të vazhdojmë bashkëpunimin tonë në fusha të ndryshme”, shtoi ai. Vuçiç ia ktheu shkurt duke e falënderuar për vizitën.
“Shpresoj se do të ndiheni si në shtëpinë tuaj”, u shpreh presidenti serb.
