Ushtria turke ka neutralizuar tetë terroristë përmes një operacioni ajror në veri të Irakut.
Sipas një njoftimi të Shtatmadhorisë së Turqisë në rrjetin social Twitter, operacioni ajror i forcave turke ndaj objektivave terroriste është realizuar në rajonet Hakurk dhe Metina.
Në mesin e tetë terroristëve të neutralizuar gjendeshin edhe katër terroristë për të cilët është zbuluar të kenë qenë të përfshirë në martirizimin e tre ushtarëve turq më 31 maj të këtij viti.
Operacionet ajrore mbi objektivat e PKK-së në veri të Irakut, ku grupi terrorist ka bazën e vet kryesore në malin Kandil pranë kufirit iranian, janë kryer rregullisht që nga korriku i vitit 2015, kur PKK rifilloi fushatën e saj të armatosur.
PKK cilësohet si organizatë terroriste nga Turqia, SHBA dhe BE. Në fushatën terroriste kundër Turqisë, e cila ka zgjatur më shumë se tre dekada, janë vrarë mbi 40 mijë njerëz, përfshirë gra dhe fëmijë./Rtv Islam/
