Historia nuk mund të ndryshohet. Madje, në situata të caktuara ajo tregohet mjaft ironike.
Kështu ka ndodhur ditën e djeshme në bazën e ushtarëve shqiptarë në Afganistan, të cilët kanë prerë tortën e Pavarësisë së bashku me një gjeneral turk, i cili komandon kontingjentin e Turqisë aty. Nuk dihet qëllimi i kësaj forme të festuari, megjithatë fotoja ka marrë komente të ndryshme në rrjetet sociale.
Në kuadër të 106-vjetorit të Pavarësisë së Shqipërisë, në Kandahar ku gjendet kontingjenti shqiptar janë organizuar disa veprimtari, ku spikat vendosja e një memoriali në nder të qindra shqiptarëve që kanë shërbyer për paqen në Afganistan që prej vitit 2002.