Gjermani, humb jetën duke shpëtuar qenin nga liqeni i ngrirë

Një burrë 46 veçar ka humbur jetën gjatë tentativës për të shpëtuar një qen të bllokuar në një liqen të ngrirë në verilindje të Gjermanisë.
Fatkeqësia ka ndodhur të shtunën në orët e pasdites në liqenin Ludwigslust-Parchim në krahinën federale Mecklenburg-Vorpommern.

Policia gjermane konfirmoi të dielën se burri 46 vjeçar arriti të shpëtojë qenin nga liqeni i ngrirë, por që kishte mbetur i bllokuar në të njëjtin nga shkaku i çarjes së akullit.

Dëshmitarët okularë të rastit kishin alarmuar policinë, e cila në vend të ngjarjes ka dërguar ekipet për shpëtim të cilat nxorën trupin e viktimës, i cili përkundër përpjekjeve për reanimim ndërroi jetë./Rtv Islam/