Tre predha mortaje sot në mëngjes kanë rënë në Zonën e Gjelbër të fortifikuar në Bagdad, në të cilën janë të vendosur përfaqësitë diplomatike dhe institucionet qeveritare, bëri të ditur Ministria e Mbrojtjes e Irakut.
“Tri predha mortaje në të gdhirë sot goditën Zonën e Gjelbër në Bagdadin qendror dhe nuk u regjistruan asnjë humbje ose dëmtim”, theksojnë nga Ministria e Mbrojtjes.
Sulmi ndodhi disa orë pasi një pajisje e improvizuar shpërthyese shënjestroi një autokolonë që po transportonte pajisjet e koalicionit ndërkombëtar të udhëhequr nga SHBA kundër grupit terrorist DEASH në provincën veriore Saladin.
