Gramsh: Arrestohet kryeplaku i fshatit Kotorr dhe 8 të tjerë pas hetimeve 4-mujore

Mos i humb

Një operacion antikanabis i quajtur ‘’Kotorri 2020’’ është realizuar nga Policia në fshatin Kotorr të Gramshit.

Pas hetimeve 4-mujore, janë arrestuar kryeplaku i fshatit Kotorr, dhe 8 persona të tjerë të përfshirë në kultivimin e kanabisit.

Grupi i personave kultivonin kanabis në pyllin e fshatit Kotorr të cilat u asgjësuan.

Aurel Kotorri është kryeplaku 32- vjeçar i arrestuar për shpërdorim detyre në Kotorr pasi lejoi të arrestuarit të kultivonin kanabis në pyll.

Ndërkohë Alkis Vila, Albion Nexhipi, Elton Kotorri, Ervin Kotorri, Altin Kotorri, Luan Kotorri dhe Klajdi Kotorri janë disa nga të arrestuarit në Gramsh. Disa prej tyre janë jo vetëm banues në Kotorr, por edhe në Elbasan, Durrës e Shijak.

Ndërkohë mes tyre është arrestuar edhe G.Ç, banues në Durrës.

NJOFTIMI NGA POLICIA

Gramsh

Finalizohet me sukses operacioni policor i koduar “Kotorri 2020” , për goditjen dhe parandalimin e veprimtarisë kriminale në fushën e kultivimit të kanabisit.

Operacioni i zhvilluar nga Komisariati i Policisë Gramsh, në bashkëpunim me forcat operacionale të DVP Elbasan, nën drejtimin e Prokurorisë së Rrethit Gjyqësor Elbasan, pas një hetimi 4-mujor.

Vihen në pranga 8 shtetas, për kultivim të bimëve narkotike.

Në pranga edhe kryeplaku i fshatit Kotorr, për shpërdorim detyre.

Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, pas një hetimi katërmujor, shërbimet e Komisariatit të Policisë Gramsh, nën Drejtimin e Prokurorisë së Rrethit Gjyqësor Elbasan, në bashkëpunim me forcat operacionale të DVP Elbasan, kanë finalizuar me sukses operacionin policor të koduar “Kotorri 2020” , në kuadër të të cilit u bë arrestimi i shtetasve:

  1. Ç., 38 vjeç, banues në Durrës, A. V., 33 vjeç, banues në Tiranë, A. N., 23 vjeç, banues në Tiranë, E. K., 38 vjeç, banues në Shijak, E. K., 27 vjeç, banues në Gramsh, A. K., 37 vjeç, banues në Elbasan,  L. K., 47 vjeç, banues në Elbasan dhe K. K., 18 vjeç, banues në Gramsh.

Si dhe është bërë ekzekutimi i urdhrit të prokurorit, për ndalimin e shtetasit A. K., 32 vjeç, kryeplaku i fshatit Kororr, banues në Gramsh, për veprën penale “Shpërdorimi i detyrës”.

Si rezultat i kontrollit të territorit dhe informacioneve të marra në rrugë operative se disa shtetas po tentonin të kultivonin bimë narkotike, specialistët për Hetimin e Krimit në Komisariatin e Policisë Gramsh referuan materialet në prokurori, ku dhe u regjistrua procedimi penal.

Si rezultat i hetimit katërmujor u bë i mundur dokumentimi i veprimtarisë kriminale të këtyre personave, duke u finalizuar me arrestimin e tyre dhe asgjësimin e bimëve narkotike të kultivuara në masivin pyjor të fshatit Kotorr.

Materialet i kaluan Prokurorisë së Rrethit Gjyqësor Elbasan, për veprat penale “Kultivimi i bimëve narkotike”, në bashkëpunim dhe  “Shpërdorimi i detyrës”.

- ISLAMSHOP.CH -spot_img
- ISLAMSHOP.CH -spot_img

Të fundit