Kryeministri i Kosovës, Ramush Haradinaj ka folur për iniciativën e 43 deputetëve për shfuqizimin e Gjykatës Speciale.
Haradinaj fillimisht sa i takon çështjes së Gjykatës Speciale është pyetur për kritikat e ashpra të partnerëve të Kosovës për iniciativën e shfuqizimit të ligjit për Dhomat e Specializuara të Gjykatës Speciale.
Haradinaj ka thënë Kosova vazhdon ta ndiej mbështetjen e SHBA-ve dhe BE-së.
“Ne e ndjejmë mbështetjen e SHBA-ve dhe BE-së, e cila është shumë e rëndësishme për ne. Mbi të gjitha, i kërkojmë BE-së ndihmë për të gjetur një mënyrë që pesë nga anëtarët e saj të mos bllokojnë më shumë perspektivën e BE-së për Kosovën – dhe në fund na njohin. Kjo gjithashtu mund ta bëjë më të lehtë Serbinë të normalizojë marrëdhëniet e saj me Kosovën”, ka thënë Haradinaj, transmeton Insajderi.
Haradinaj më tej reagimet e ashpra nga ndërkombëtarët i ka arsyetuar se opinionet e deputetëve nuk përputhem me detyrimet që i kanë vënë ndërkombëtarët.
“Iniciativa ishte një shprehje e jetës demokratike të parlamentit tonë. Opinionet e deputetëve nuk përputhen gjithmonë me detyrimet dhe marrëveshjet ndërkombëtare. Por, iniciativa ishte e pasuksesshme, kështu që nuk do të ketë epilog”, ka thënë Haradinaj.
Më tej kryeministri është pyetur edhe nëse pas iniciativës për zhbërjen e speciales është vet ai dhe presidenti, Thaçi.
Haradinaj në përgjigjen e tij ka përdorur votën e deputetëve të partisë së tij, kundër themelimit të Gjykatës Speciale në vitin 2014.
“Kur krijimi i saj u vendos në vitin 2014, partia ime votoi kundër tij. Gjykata Speciale të jetë selektive, e orientuar ekskluzivisht kundër shqiptarëve të Kosovës. Përveç kësaj, ajo ishte kundër gjykatës duke u ngritur jashtë vendit. Pozita ime është që, si kryeministër, i bindem vendimeve të Parlamentit”, ka thënë Haradinaj./Telegrafi/
