Kryeministri i Kosovës, Ramush Haradinaj, përmes një postimi në Facebook, ka uruar popullin amerikan më rastin e 4 Korrikut, Ditën e Pavarësisë së SHBA-ve.
Në këtë urim, Haradinaj ka shkruar se populli i Kosovës i është mirënjohës SHBA-ve për ndihmën e dhënë.
Ndër të tjera Haradinaj ka shtuar se Kosova me krenari është e përcaktuar për aleancë dhe miqësi me SHBA-të.
Postimi i plotë i Haradinajt:
Me rastin e 4 Korrikut, Ditës së Pavarësisë, u përcjellë urimet më të përzemërta Shteteve të Bashkuara të Amerikës, Ambasadës së SHBA-ve në Prishtinë, amerikanëve me mision në Kosovë dhe të gjithë paqeruajtësve në radhë të KFOR-it.
Populli i Kosovës u është përjetësisht mirënjohës qeverisë dhe popullit të SHBA-ve, për ndihmën e pazëvendësueshme në realizimin e aspiratës historike për liri dhe pavarësi.
Kosova me krenari është përcaktuar për aleancë dhe miqësi të përhershme me Shtetet e Bashkuara të Amerikës.
Besnikë të idealeve të lirisë dhe paqes, të cilave iu prin Amerika në botë, sot festojmë edhe ne, krah për krah me miqtë tanë!.