Avionët luftarakë të Irakut kanë shkatërruar një vend terrorist të DEASH-it brenda territorit sirian, njoftoi të enjten Ministria e Mbrojtjes e Irakut.
Sipas një njoftimi ministror, operacioni u krye “në përputhje me urdhrat e komandantit të Forcave të Armatosura dhe kryeministrit Haider al-Abadi”.
“Avionët irakianë F-16 sot bombarduan një qendër komandimi dhe kontrolli të përdorur nga organizata e DEASH-it në zonën Al-Hajin të Sirisë”, thuhet në njoftim.
Sulmet ajrore vijnë më pak se një javë pasi avionët irakianë goditën atë që ushtria e përshkroi si “objektiva të DEASH-it” në të njëjtën zonë.
Forcat Ajrore Irakiane gjithashtu goditën pozicionet në Deir Ez-Zor më 19 prill.
Bagdadi në mënyrë të përsëritur ka thënë se sulmet kryhen në koordinim me qeverinë siriane.
