“Jelekët e verdhë” në Belgjikë kanë mbyllur autostradën që çon për në Francë, ndërkaq policia ka ndaluar rreth 50 persona në Bruksel.
BRUKSEL – “Jelekët e verdhë” në Belgjikë kanë mbyllur autostradën që çon për në Francë, ndërkaq policia ka ndaluar rreth 50 persona në Bruksel.
“Jelekët e verdhë” protestojnë kundër kushteve të përkeqësuara ekonomike dhe rritjes së taksave të derivateve, duke vendosur barrikadë në autostradën E-40 në mes të Belgjikës dhe Francës.
Ndërsa në Bruksel policia para fillimit të protestave të “jelekëve të verdhë” ka ndaluar dhjetëra persona.
Zëdhënësi i policisë së Brukselit, Ilse Van de Keere njoftoi se në rajonin Schuman ku ndodhet stacioni qendror i trenave dhe institucionet e BE-së, janë ndaluar afro 50 persona.
Policia e Brukselit ka marrë masa të gjera të sigurisë në qendrën e qytetit dhe në rajonin Schuman ku ndodhet selia e Komisionit Europian dhe Këshilli i BE-së./Kosova Post/
