Qeveria e Jemenit tha se mirëpret çdo përpjekje ndërkombëtare nën kryesimin e Kombeve të Bashkuara (OKB) në lidhje me zgjidhjen e krizës në këtë vend.
Ministri i Punëve të Jashtme të Jemenit, Abdulmelik el-Mihlafi në një deklaratë nga rrjetet sociale tha se qeveria nuk është pjesë e ndonjë takimi përveç të atyre të organizuara në kuadër të procesit të OKB-së.
“Ne mirëpresim të gjitha përpjekjet ndërkombëtare të cilat do të sjellin paqe në Jemen, në bazë të mekanizmit trepalësh, në rrugën e përcaktuar nga OKB-ja dhe Përfaqësuesi special”, thotë Mihlafi./Rtv islam/
