Koronavirusi vazhdon të përhapet në vendet e ndryshme botërore, por mjeku shqiptar Fahri Beqa, që punon në Berlin të Gjermanisë, ka disa këshilla.
- Mos ja jepni dorën askujt
- Pastroni duart shpesh
- Mos e prekni fytyrën me duar
- Qëndroni në distancë ndaj njëri-tjetrit
- Evitoni lëvizjet e panevojshme
- Bëni lëvizje të kontrolluara vetëm kur duhet patjetër ta lëshoni banesën apo shtëpinë…
- Kujdesuni për të sëmurët kronik dhe të moshuarit që të mos preken nga ky virus.
Dhe nëse megjithatë të paraqitet një nga këto 3 shenja apo të triat së bashku (temperature e lartë, koll i thatë, dhembje fyti e përcjell me skuqje dhe teshtitje ose pengesa në frymëmarrje), atëherë thirr në telefon në numrin që e kanë caktuar institucionet dhe dëgjoi udhëzimet e këtyre institucioneve përkatëse.
Mbi 80 % e në disa raste deri 90% e kalojnë sëmundjen pa e vërejtur fare. Megjithatë 10 deri 20% kanë nevojë për ndihmën e mjekut e deri 5 % për mjekim intensiv spitalor. Vdekshmëria është e ulët 1-2%, por nëse paraqiten shumë raste përnjëherë dhe kërkojnë ndihmën e mjekut në një klinikë atëherë ajo Klinikë dhe ai sistem shëndetësor do të kollabojnë e poashtu pacientët nuk mund t’a marrin pastaj trajtimin adekuat (si në disa pjesë të Italisë ku eshte rritur vdekshmëria deri ne 7-8%). Edhe nëse sëmureni lehtë apo nuk sëmureni fare ju e bartni virusin tek të tjerët për të cilët mund të jetë vdekjeprurës.
8 deri 10 javët e ardhshme janë vendimtare.
“Larg njëri tjetrit sot, që të përqafohemi nesër”
Shëndet, kujdes dhe suksese
Dr. Fahri Beqa