Korrigjimi i kufijve, ky është qëndrimi i shteteve të BE-së që nuk e kanë njohur Kosovën

Mos i humb

E përditshmja austriake “Standard” ka kërkuar qëndrimin e pesë shteteve europiane që nuk e kanë njohur Kosovën në lidhje me një zgjidhje mes Prishtinës dhe Beogradit.

Shtete europiane që nuk e kanë njohur pavarësinë e Kosovës janë të mendimit se zgjidhja e çështjeve të Kosovës duhet të arrihet nën mbikëqyrjen e Bashkimit Europian, shkruan e përditshmja austriake “Standard”. Po ashtu, ajo ka publikuar qëndrimet e Ministrive të Punëve të Jashtme të pesë shteteve evropiane që nuk e kanë njohur ende Kosovën si shtet.“Tema si shkëmbimi i territoreve, banorëve ose ide të ngjashme, që i takojnë historisë së kaluar të atjeshme, duhet të jenë të mbyllura”, thonë nga Ministria e Punëve të Jashtme e Rumanisë.

Ata po ashtu mbështesin gjetjen e zgjidhjes nëpërmjet ndërmjetësimit të Bashkimit Evropian.“Për këtë nevojitet një dëshirë solide politike, shmangia e vendimeve të shpejta, krijimi i shoqërive me vlera multietknike në Europë”, shton ministria.Ajo po ashtu ka bërë thirrje për shmangien e precedentëve të rrezikshëm.

Ministria e Punëve të Jashtme e Sllovakisë ka theksuar se është e rëndësishme të ndryshohen marrëveshjet e deritashme mes Beogradit dhe Prishtinës. Andaj, ajo propozon arritjen e një marrëveshjeje që mundëson stabilitet në rajon. Ministria e Punëve të Jashtme e Qipros ka shtuar se nuk shohin kuptim të komentojnë skenare hipotetike, ngjashëm sikurse Ministria e Spanjës që beson se është herët t’i analizojë rezultatet që nuk janë arritur./Kosova Post/

- ISLAMSHOP.CH -spot_img
- ISLAMSHOP.CH -spot_img

Të fundit