Sot në Prizren u mbajt ceremonia e dorëzim-pranimit të detyrës së shefit të kryesisë së delegacionit turk që vepron në kuadër të Misionit të Forcave Paqeruajtëse të Kosovës (KFOR), (AA).
Koloneli Numan Baş, i cili mbajti detyrën për një vit, ia dorëzoi atë kolonelit Savaş Yanar.
Në ceremoninë e organizuar në kazermën Sulltan Murat në Prizren, të pranishëm ishin ministri i Mbrojtjes i Kosovës, Anton Quni, ministrja e Administrimit të Pushtetit Lokal, Emilija Redzepi, ambasadori turk në Prishtinë, Çağrı Sakar, komandanti i KFOR-it në Kosovë, gjeneral Michele Risi, kreu i Partisë Demokratike Turke të Kosovës (KDTP) dhe deputeti Fikrim Damka, deputetja e KDTP-së Fidan Jilta, kryetarë të komunave, ushtarë të vendeve të tjera që veprojnë në kuadër të KFOR-it dhe përfaqësues të institucioneve dhe organizatave turke.
Në fjalën e tij gjatë ceremonisë që filloi me intonimin e himneve të dy vendeve, Baş tha se ushtarët turq kanë punuar me të gjitha forcat për të kontribuuar për paqen në Kosovë.
Ai tha se brenda një viti kanë realizuar 33 projekte në fushat e nevojshme në mbështetje të popullit kosovar.
