Kroaci, Donald Tusk i deklaron luftë populistëve dhe autokratëve

Mos i humb

Presidenti i Këshillit Europian, Donald Tusk, nisi një fushatë sulmi kundër autokratëve dhe populistëve, sot në Zagreb, ku po përgatitet të marrë drejtimin e të djathtës europiane.

Ish-kryeministri polak është kandidati i vetëm për kryesimin e PPE-së, partia më e madhe në Parlamentin Europian, edhe pse zgjedhjet e fundit të majit treguan rënie të dy partive kryesore tradicionale, PPE-së dhe Socialdemokratëve, kundrejt Liberalëve, të Gjelbërve ose të së djathtës ekstreme dhe populistëve.

“Në asnjë rrethanë nuk mund ta braktisim sferën e sigurisë dhe rendit në duart e politikanëve populistë, manipuluesve dhe autokratëve, të cilët i bëjnë njerëzit të besojnë se liria nuk ka lidhje me sigurinë”, theksoi Tusk.

“Le të mblidhemi së bashku në këtë fushëbetejë politike shumë të rëndësishme, nga njëra anë partitë populiste të papërgjegjshme dhe nga ana tjetër, partia jonë e popullaritetit të përgjegjshëm”, përfundoi ai./ATSH

- ISLAMSHOP.CH -spot_img
- ISLAMSHOP.CH -spot_img

Të fundit