Të paktën dy persona kanë humbur jetën në një sulm me raketa të militantëve të komandantit renegat Khalifa Haftar ndaj Aeroportit Mitiga në kryeqytetin libian Tripoli.
Forcat e Qeverisë së Pajtimit Kombëtar (GNA) të njohur nga Kombet e Bashkuara (OKB) thanë në një deklaratë se dy punonjës të huaj kanë humbur jetën si pasojë e sulmit.
Siç njoftohet, raketat, të cilat kanë rënë në afërsi të aeroportit, kanë shkaktuar dëme të mëdha.
Në deklaratë nuk janë dhënë detaje mbi shtetësinë e punonjësve të huaj që kanë humbur jetën.
Ndryshe, Aeroporti Mitiga nga muaji shkurt ka qenë cak i shpeshtë i forcave jolegjitime të udhëhequra nga Haftar, i cili në prill të vitit të kaluar nisi një fushatë për kapjen e Tripolit.