Lideri rus i opozitës nuk lejohet të largohet nga vendi, shkak bëhet një gjobë

Mos i humb

Lideri i opozitës ruse, Aleksei Navalny u ndalua të largohej nga Rusia të martën, për shkak të një gjobe të papaguar, një veprim që ai tha se ishte i paligjshëm dhe i projektuar për të parandaluar atë që të ndiqte finalen e një çështjeje ligjore, që ai paraqiti në Gjykatën më të lartë të të Drejtave të Njeriut në Europë.

Navalny, figura më e shquar e opozitës së Rusisë, po përpiqej të fluturojë drejt Frankfurtit, për të shkuar më pas në Gjykatën Europiane të të Drejtave të Njeriut në Strasburg, ku gjykatësit duhet të vendosin të enjten nëse ndalimet e tij të shumta nga policia në Rusi kanë qenë të motivuara politikisht apo jo.

Rojet kufitare e arrestuan Navalnyn ndërsa ai u përpoq të kalonte përmes kontrollit të pasaportave në aeroportin e Domodedovës në Moskë dhe i komunikoi se nuk mund të largohej për shkak të një vendimi nga Shërbimi i Përmbarimit Federal. Rusëve mund t’u ndalohet të largohen nga vendi nëse kanë gjoba apo borxhe të papaguara.

Shërbimi i Përmbarimit Federal tha të martën mbrëma se i kishte hequr të gjitha kufizimet mbi aftësinë e Navalny për të udhëtuar jashtë vendit, pasi ai pagoi gjobën, citohej agjencia e lajmeve TASS.

Faqja e internetit të shërbimit të përmbarimit më herët të martën tregoi se Navalny kishte borxh prej 2,165 milionë rublash (31,960 dollarë) të vendosura mbi një dënim për përvetësim në shkurt të vitit 2017, për akuzat që ai thoshte se u përpoqën të pengonin aktivitetet e tij politike.

Navalny tha se kishte kontrolluar regjistrin në prag të fluturimit të tij dhe se nuk përmbante asnjë informacion për gjobën, pasi autoritetet nuk i kishin kërkuar ende atij të paguante. Ai nuk ishte njoftuar për zbatimin e menjëhershëm të gjobës me shkrim, siç thotë ligji, ose duke pasur parasysh pesë ditë afat të detyrueshëm për ta paguar atë, tha ai./Top Channel/

- ISLAMSHOP.CH -spot_img
- ISLAMSHOP.CH -spot_img

Të fundit