Afrika e Jugut lançoi një sërë kartëmonedhash bankare dhe monedha ari për të shënuar 100-vjetorin e 18 korrikut, ditën e lindjes së Nelson Mandelës.
Banka e Rezervës të këtij vendi tha se në disa raste do ketë dhe përshkrim të jetës së tij, burgosjen 27-vjeçare, fundin e aparteidit në vitin 1994, emërimin president dhe vdekjen në vitin 2013 në moshën 95-vjeçare.
Fytyra e Mandelës tashmë do të jetë në të gjitha kartëmonedhat e Afrikës së Jugut.
18 korriku do jetë për Afrikën e Jugut Dita e Mandelës, ku pritet që drejt Johanesburgut të udhëtojë ish-presidenti amerikan Barak Obama. /tesheshi.com/
