Kryeministri i Malit të Zi, Dushko Markoviç, është thënë se Mali i Zi nuk ka ecur prapa, me aneks-marrëveshjen për Demarkacion që u nënshkrua sot nga presidenti i Kosovës, Hashim Thaçi dhe ai i Malit të Zi, Filip Vujanoviç, teksa ka shtuar se ratifikimi i vijës kufitare mes Kosovës dhe Malit të Zi mbetet ende në fuqi.
Një kumtesë e qeverisë malazeze citon Markoviçin, i cili është shprehur i gëzuar për mundësinë e dhënë Kosovës për liberalizimin e vizave pas nënshkrimit të kësaj marrëveshje.
“Vizita ime në Kosovë kishte për qëllim arritjen e këtij momenti, i cili do të duhej t’i mundësonte ratifikimin e demarkacionit në Kuvendin e Kosovës dhe kalimin në një fazë tjetër. Dua t’ju them se gjatë dy ditëve të fundit në frymën e interesit dhe interesit tonë të përbashkët të Komisionit Europian dhe Bashkimit Europian, kemi pasur bisedime intensive me zyrtarët e Kosovës”.
“Ne theksuam domosdoshmërinë për të treguar përgjegjësinë dhe mirëkuptimin kur është fjala për këtë çështje vendimtare. Gjatë dialogut, Mali i Zi shprehu gatishmërinë për të ndihmuar autoritetet e Kosovës për të krijuar një mjedis të përshtatshëm politik me qëllim ratifikimin e marrëveshjes kufitare. Një qasje e tillë nuk do të thotë që ne po lëvizim prapa, por se po ecim përpara. Mali i Zi e ka ratifikuar marrëveshjen, mbetet në fuqi. Ne po tregojmë vullnetin tonë ndaj autoriteteve të Kosovës se ne do të punojmë së bashku nën marrëveshjen dhe në përputhje me arsyet gjeografike dhe ekonomike”, ka thënë Markoviç, njofton komunikata e qeverisë malazeze, shkruan periskopi.
Me tej Markoviç ka thënë se me anë të kësaj marrëveshje Mali i Zi ka treguar se dëshiron një problem më pak të pazgjidhur në Ballkan, teksa ka shtuar se vendi i tij nuk ka vepruar në mënyrë egoiste.
“Në Ballkan duhet të vendosim dialog, në Ballkan kemi nevojë për të kuptuar, ne duhet të shikojmë përpara dhe të mos shikojmë prapa. Bisedimet e mia të djeshme në Prishtinë ishin të atij përmbajtjeje. Dhe deklarata e përbashkët e sotme e presidentëve Vujanoviç dhe Taçi dëshmon për angazhimin tonë të përbashkët dhe besoj se do të kemi një çështje të pazgjidhur më pak në rajon që Mali i Zi po zgjidh me një cilësi të lartë duke kuptuar fqinjët e saj dhe duke premtuar mbështetjen e saj të plotë pa vepruar në një mënyrë egoiste dhe të ngurtë “, theksoi kryeministri Markoviç./Kosova Post/
