Marshime studentore edhe nëpër rrethe, bllokohen rrugët

Mos i humb

Protesta studentore vijon ende, edhe pse ultimatumi për plotësimin e 8 kërkesave të tyre parashtruar qeverisë skadoi pasditen e së martës. Veç studentëve që janë mbledhur në kryeqytet, sërish përpara Ministrisë së Arsimit, edhe nëpër rrethe vijon grumbullimi i tyre.

Në Korçë raportohet se studentë, të cilëve iu janë bashkuar edhe gjimnazistë, kanë nisur marshimin në bulevardin “Republika”, gjithnjë në kërkim të plotësimit të kërkesave të tyre.

Ndërkohë, në Shkodër studentët e nisën ditën me një marshim në rrugët e qytetit, për t’u nisur më pas drejt Tiranës. Sipas korrespondentit të Top Channel atje, grupi protestues u ndalën në gjimnazin “28 Nëntori”, ku i bënë thirrje nxënësve që t’iu bashkoheshin.

Nga Elbasani raportohet se studentët kanë nisur marshim drejt bulevardit kryesor të qytetit, e me të gjitha gjasat do të bllokojnë edhe rrugën nacionale drejt kryeqytetit.

Protesta vijon edhe në Vlorë, aty ku studentët janë mbledhur para ambienteve të universitetit. Në thirrjet e tyre bie në sy mostërheqja, derisa të plotësohen kërkesat e tyre.

- ISLAMSHOP.CH -spot_img
- ISLAMSHOP.CH -spot_img

Të fundit