Të paktën 37 shtetas të Bangladeshit u mbytën pasi një varkë e cila ishte nisur drejt Europës nga Libia, u përmbys në brigjet e Tunizisë.
Sipas agjencisë së lajmeve United News of Bangladesh, ASM Ashraful Islam, këshilltarja e punës së Ambasadës së Bangladeshit në Tripoli konfirmoi shifrat dhe tha se në varkë kanë qenë 51 shtetas të Bangladeshit.
Me ndihmën e Gjysmëhënës së Kuqe, tha Ashraful Islam, ambasada e Bangladeshit po përpiqet të arrijë Tunizinë për të marrë hollësi të mëtejshme dhe kushtet e shtetasve të saj.
Ndërkohë, Ministria e Jashtme e Bangladeshit tha se midis 16 njerëzve të shpëtuar, 14 janë shtetas Bangladeshi.
Më pas, duke folur me gazetarët, ministri i Jashtëm i Bangladeshit, AK Abdul Momen, tha se nuk mund të konfirmojë numrin e të vdekurve, duke thënë se 37 shtetas të Bangladeshit janë të zhdukur.
“Kjo është një kujtesë tragjike dhe e tmerrshme e rreziqeve me të cilat ballafaqohen ende ata që përpiqen të kalojnë në Mesdhe”, tha Vincent Cochetel, i dërguari i posaçëm i UNHCR-së për Mesdheun.
