Në Zvicër, një në katër punëtorë ndjehen të stresuar dhe të lodhur në vendin e punës. Kjo çon në probleme shëndetësore të të punësuarve dhe më pak produktivitet në kompani.
Ekspozimi ndaj stresit në vendin e punës ka mbetur relativisht i qëndrueshëm gjatë viteve 2014 deri 2016, sipas një analize të indeksit të stresit të punës gjatë viteve 2014-2016, thuhet në një studim nga “Gesundheitsförderung Schweiz”.
Megjithatë, raportohet për një rënie 24.8 për qind në vitin 2014, ndërsa një ngritje në 25.4 për qind më 2016. Këta punëtorë nuk kanë burime të mjaftueshme, të tilla si gjerësi dhe vlerësim të përgjithshëm për të zbutur ngarkesat në punë.
Pothuajse gjysma e të anketuarve ishin në zonën e ndjeshme gjatë tre vjetëve të studimit.
Ndërsa Indeksi i Stresit të Punës u tregua i qëndrueshëm. Edhe në ngarkesa në marrëdhëniet ndërmjet punëtorëve, duke përfshirë rreth një klime jo të mirë në ekip, një rritje e lehtë është parë nga 2015 në 2016.
Sa më shumë që punëtorët janë të stresuar, aq më shumë rezultojnë problemet shëndetësore, të tilla si problemet e gjumit dhe simptoma psikosomatike.
Përveç kësaj, stresi çoi në më pak produktivitet në kompani. Një arsye për këtë është edhe shëndeti. Kostot e vlerësuara të lidhura me shëndetin e kompanive gjithashtu mbetën të qëndrueshme nga 2014 në 2016. Sipas studimit, ato luhatën midis 5 dhe 5.8 miliardë franga.
“Gesundheitsförderung Schweiz” ka realizuar studimin së bashku me Universitetin e Bernës dhe Cyrihut dhe Universitetin e Shkencave të Aplikuara (zhaw). Në vitet 2014-2016 u intervistuan një mesatare prej 3.260 personash mes 16 dhe 65 vjet./Albinfo.ch/
