Presidenti Ilir Meta u takua me ministrin italian të Drejtësisë, Andrea Orlando.
Në këtë takim, Presidenti thotë se i ka shprehur mirënjohjen ministrit Orlando për mbështetjen e vazhdueshme që Italia i ka dhënë Shqipërisë në proceset integruese në BE.
Në takim, Meta ka vënë theksin tek rëndësia e zbatimit të reformës në drejtësi dhe u bëri thirrje forcave politike për dialog në shërbim të kësaj reforme.
“Është me shumë rëndësi implementimi i reformës në drejtësi. Forca politike pa vonesë duhet të krijojnë urat e dialogut konstruktiv”, deklaroi Meta./Top Channel/