Komentatori ushtarak Miroslav Lazanski në një emision televiziv në kanalin televiziv serb RTS ka shfaqur një qëndrim tronditës ku thotë se ish-presidenti i Serbisë Slobodan Millosheviç, ishte shitur në gjykatën e Hagës për 10 milionë dollarë.
Ky informacion u konfirmua në të njëjtin emision televiziv nga avokati i famshëm Tom Fila, i cili thotë se njerëzit nga maja e shtetit rus vazhdimisht kanë thënë se Millosheviçi ishte “shitur, por nuk është dorëzuar”.
Në duelin televiziv me udhëheqësin e LDP-së Çedomir Jovanoviç, Lazanski tha se ishte “krejtësisht e qartë” se dikush mori miliona për kokën e Millosheviçit, raporton Vestinet.
“Ata shituan Presidentin Millosheviç! Kishte një shpërblim prej 10 milion dollarësh. Kush i mori ato para, nuk e di, por natyrisht dikush i mori paratë. Millosheviçi u shit kur mori çmimin më të lartë. Ashtu si Mlladiç, ashtu si Karagjiq…”, tha Lazanski.
“Isha me Millosheviçin natën e arrestimit. Unë po përpiqesha ta shpëtoja kokën. Të tre presidentët, Milutinoviç, Gjinxhiç dhe Koshtunica, kanë nënshkruar që të mos e arrestojnë atë. I thashë menjëherë: Kjo është me vlerë për ty sonte, këta njerëz po gënjejnë për ju… Nuk e di nëse dikush ka marrë para, por kam dëgjuar nga rusët se Millosheviqi është shitur dhe nuk është dorëzuar në Hagë. Ata më thanë disa herë: Presidenti juaj Millosheviç nuk u dorëzua, atë e shitën!”, vuri në dukje Lazanski,”, shkruan Periskopi. Miroslav Lazanski kujton se Departamenti i Shtetit ka lëshuar një çmim milionësh për kokën e Millosheviçit. Sllobodan Millosheviç u arrestua në natën e 1 prillit të vitit 2001, në vilën e tij në Dedinje. Arrestimi u bë më 30 mars dhe përfundoi pas dy ditësh.
Më 28 qershor, qeveria e Serbisë miratoi një dekret për ekstradimin e Millosheviçit në Hagë. Më 11 mars 2006, Millosheviç vdiq në rrethana të pashpjegueshme në Hagë./Kosova Post/
