Kryetari i LDK-së, Isa Mustafa, ka folur për takimet me Fatmir Limajn, kryetar i Nismës Socialdemokrate dhe me Shpend Ahmetin, kryetar i PSD-së.
Mustafa ka thënë se ftesë për takim liderëve të këtyre dy subjekteve u ka bërë ai.
“Kemi nevojë të ndërtojmë një kulturë komunikimi si shprehje e kulturës tonë demokratike”, ka shkruar Mustafa në Facebook.
Postimi i plotë:
Miq të nderuar
Sot bisedova, në takime të ndara, me z. Fatmir Limaj, kryetar i Nismës Socialdemokrate dhe me z. Shpend Ahmeti, kryetar i PSD-së.
Takimet e tilla, konsideroj se, janë të dobishme për të vlerësuar bashkërisht momentet që po kalon vendi ynë, pa marrë parasysh kalkulimet partiake për zgjedhjet e ardhshme.
Dua të sqaroj se për ditën e sotme, ftesë për takim iu kam bërë liderëve të kêtyre dy subjekteve, me të cilët edhe jam takuar.
Kemi nevojë të ndërtojmë një kulturë komunikimi si shprehje e kulturës tonë demokratike.
