Në Maqedoninë e Veriut : Regjistrohen tre viktima të tjera nga koronavirusi

Mos i humb

Ministria e Shëndetësisë e Maqedonisë së veriut informon se në Institutin për Shëndet publik gjatë ditës së sotme janë regjistruar 8 pacientë të shëruar. Sipas qyteteve, 7 nga Shkupi dhe një nga Prilepi.

Në Klinikën Infektive në Shkup ka ndërruar jetë një paciente 60 vjeçare nga Kumanova e cila ishte pranuar në spital me 27 prill. Në spitalin “8 shtatori” në moshën 59 vjeçare ka ndërruar jetë një pacient nga Struga, i cili ishte pranuar në spital me 16 maj. Në të njëjtin spital jetë ka ndërruar edhe një 51 vjeçar nga Shkupi i cili është shtruar në spital me 4 maj.

Në 24 orët e fundit janë realizuar 286 testime prej të cilëve 25 kanë rezultuar pozitivë me koronavirus. Sipas qyteteve, 16 raste janë regjistruar në Shkup, 4 në Tetovë, 1 në Strugë, dhe nga dy raste në Veles dhe Ohër.

Numri i përgjithshëm i rasteve të diagnostikuara me COvid-19 në Maqedoninë e Veriut, që nga fillimi i epidemisë është 1.817 prej të cilëve 1.301 janë shëruar. Numri rastve që kanë përfunduar me fatalitet është 104 kurse aktualisht aktiv janë 412 raste.

- ISLAMSHOP.CH -spot_img
- ISLAMSHOP.CH -spot_img

Të fundit