Një program spiun i avancuar është përhapur në telefonat celularë nëpërmjet programit WhatsApp

65
0

Një program spiun i avancuar është përhapur në telefonat celularë nëpërmjet programit WhatsApp.

Gazeta “Financial Times” ka shkruar se programi spiun i zhvilluar nga kompania izraelite e softuerëve NSO Grup, mund të vendoset prej së largu nga hakerët e kompjuterëve në telefonat celularë dhe pajisjet e tjera që përdorin WhatsApp.

Më tej në artikull thuhet se edhe zëdhënësi i WhatsApp-it ka thënë se programi spiun (malware) mund të depërtojë tek telefonat vetëm nëpërmjet funksionit të thirrjeve pa përgjigje të aplikacionit.

Nga WhatsApp thonë se nuk dihet numri i përdoruesve të prekur nga ky program dhe se kompania e ka zbuluar këtë situatë në fillim të këtij muaji.

WhatsApp dje kërkoi nga 1.5 miliardë përdoruesit e saj që të përditësonin aplikacionin si masë parandaluese.

Ndërkohë që kompania NSO Group nuk ka bërë ndonjë deklaratë në lidhje me çështjen.

PËRGJIGJU

Please enter your comment!
Please enter your name here