Ka arritur në 1.614 numri i terroristëve që janë neutralizuar që nga fillimi i operacionit “Dega e Ullirit” i ndërmarrë nga Forcat e Armatosura të Turqisë (TSK) në Afrin të Sirisë.
Në një deklaratë nga Shtabi i Përgjithshëm i Turqisë bëhet e ditur se ka arritur në 1.614 numri i terroristëve të neutralizuar që nga fillimi i operacionit e deri më sot.
Gjithashtu theksohet se operacioni që ka filluar më 20 janar 2018, është ndërmarrë me qëllim për të vendosur siguri dhe stabilitet përgjatë kufijve të Turqisë dhe rajonit si dhe për të mbrojtur sirianët nga shtypja dhe mizoria e terroristëve.
