Paralajmëron Rama: Brenda nëntorit nis furtuna mbi foletë e krimit dhe korbat e KÇK! E nisa ditën sot me grupin…

35
0

Kryeministri Edi Rama paralajmëron se brenda muajit nëntor do të fillojë “furtuna mbi foletë e krimit dhe korbat e KÇK”. Përmes një mesazhi në “Twitter”, kreu i qeverisë njofton se e ka nisur ditën e sotme me grupin e punës për Ligjin Special kundër krimit të organizuar+masat kundër KÇK që po finalizohen në letër.

Duke reaguar për faktin se nuk ishte sot i pranishëm në mbledhjen e PS në Tiranë, të nismës “Ti Zgjedh”, Rama shkruan se “Kur dal përditë pse del përditë pse del përditë, kur s’dal ca ditë çfarë ka që s’del përditë, historia e vjetër hip se të vrava zbrit se të vrava”.

“Kur dal përditë pse del përditë pse del përditë, kur s’dal ca ditë çfarë ka që s’del përditë, historia e vjetër hip se të vrava zbrit se të vrava😁Sot e kam nisur ditën me grupin e punës për Ligjin Special kundër krimit të organizuar+masat kundër KÇK që po finalizohen në letër.

Brenda nëntorit fillon furtuna mbi foletë e krimit dhe korbat e KÇK👊 Tani për Ohër ku nisin sot takimet për marrëveshjet e bashkëpunimit rajonal dhe nesër bëhet mbledhja e radhës ku janë ftuar të gjitha vendet e Ballkanit Perëndimor + partnerët europianë të nismave rajonale”, shkruan Rama.

  • foto galeri

PËRGJIGJU

Please enter your comment!
Please enter your name here