“Pastrojmë Shqipërinë që duam” është aksioni i radhës i Shqipërisë, i inciuar nga ministria e Mjedisit. Vetë ministri Blendi Klosi ka prezantuar strategjinë e kësaj nisme, e cila do të zgjasë 6 muaj.
Klosi bëri të ditur dhe disa nga strategjitë që përfshihen brenda këtij aksioni. Ministri tha se do të ketë reduktim në maksimum të qeseve të pariciklueshme teksa tha se do të ketë rishikim të një mijë lejeve mjedisore që janë dhënë.
“Të gjitha guroret e Shqipërisë brenda 31 marsit do të kalojnë në sitë. Brenda 1 janarit udhëzim si duhet të funksionojnë pikat e grumbullimit të skrapit”, tha Klosi ndër të tjera./Top Channel/
