Studentët vijojnë ngujimin në mjediset e fakulteteve të Ekonomikut, Juridikut dhe Inxhinierisë dhe që prej mbrëmjes së djeshme edhe te Mjekësia.
Ata thonë se nuk ndalen në protestën e tyre deri në plotësimin e kërkesave.
“Mbrëmë kemi nisur ngujimin. Kaluam një natë të qetë, pa probleme. Vendimet mbi fundin e bojkotit e merr shumica”, thotë një student.
Ndërsa një studente tregoi komunikimin që kanë pasur me kryeministrin Edi Rama.
“I dërguam një video ku i thonim se nëse nuk i plotëson kërkesat tona, nuk kemi për t’u parë më bashkë, pasi Gjermania po na pret. Kryeministri na tha se nuk dinim se çfarë kërkonim”, u shpreh studentja.
