Rama: Reagimi i opozitës sepse po afrohen zgjedhjet

Mos i humb

Në hyrje të Lezhës, demokratët i bllokuan rrugën kryeministrit Edi Rama, i cili ishte nisur për në Pukë.

Simpatizantë të PD-së, të ardhur nga Vau i Dejës, Shkodra e Lezha e mbajtën aksin të bllokuar për gati një orë, ndërsa Rama devijoi rrugë për të mbërritur në destinacion, nga ku akuzoi demokratët se me djegien e mandateve po përsërit skenarin e çadrës për të penguar reformën në drejtësi.

“Sa herë afrohen zgjedhjet, fillojnë avazin. Duan të bllokojnë reformën”, u shpreh Rama.

Nga Puka, Rama pohoi se socialistët do të respektojnë kontratën me popullin të vulosur në zgjedhje: “Nuk fitojnë dot zgjedhjet se janë problemi, jo zgjidhja. Rruga jonë është e përcaktuar nga populli në zgjedhje, respektojmë kontratën”.

Një parashikim bëri edhe për opozitën: “Në ballafaqimin e ardhshëm zgjedhor, kurdo qoftë ai, në këto zgjedhje apo në zgjedhjet e 2021, populli do t’i lërë aty ku janë, por do të jenë më pak se sot”.

Në Pukë Rama mori edhe ftesë për krushqi. Një qytetare i tha se Zahon e duan dhëndër në Pukë. “Këtë nuk ta premtoj dot”.

Protagoniste e takimit ishte një tjetër pukiane, që ndau idetë e saj me kryeministrin: “Pukianët kur shajnë, shajnë me “nan e motra”, unë Gjonin e shaj nga motra, në Parlament shajnë ndryshe”.

- ISLAMSHOP.CH -spot_img
- ISLAMSHOP.CH -spot_img

Të fundit