Reagon Kadri Veseli: Vendim i pazakontë dhe i pavërtetë, askush s’mund ta ndryshojë luftën e UÇK!

Mos i humb

Rama : Mik i Bashës, bëri deklarim zhgënjyes, të nxituar dhe të zhbalancuar, duhet të flasë me fakte!

Kryeministri Edi Rama i është përgjigjur ashpër Zv.kryetarit të Grupit të CDU-CSU në Bundestagun gjerman, Johann Wadephul, i cili kërkoi dje që...

Trump: Në një kohë rekord do të prodhojmë vaksinën kundër COVID-19

Presidenti i SHBA-ve, Donald Trump tha se janë në rrugën për të prodhuar një vaksinë në "kohë rekord" kundër koronavirusit të ri...

Vritet një civil azerbajxhanas në sulmin e Armenisë

Një civil ka humbur jetën si pasojë e një sulmi të ushtrisë armene ndaj rrethit Tovuz të AzerbajxhaN. Ministria...

Srebrenicë, arkivolet e gjelbërta dëshmojnë për gjenocidin e korrikut 1995

Arkivolet e gjelbërta me mbetjet e nëntë viktimave të gjenocidit të korrikut të vitit 1995 në zonën e Srebrenicës dëshmojnë për krimin...

Kryetari i Partisë Demokratike të Kosovës, Kadri Veseli, ka reaguar publikisht pas vendimit të Gjykatës së Hagës për të ngritur akt-akuzë ndaj tij dhe Presidentit Hashim Thaçi për krime lufte.

Veseli i ka quajtur politike dhe të pabazuara pretendimet e prokurorit për kinse krime dhe pengim të punës së gjykatës.

Lideri i PDK-së ka deklaruar se në një veprim të paprecedentë, Prokurori ka lëshuar deklaratën para se Gjykata t’i konfirmojë ose rrëzojë akuzat e ngritura që ai pretendon.

“Në këtë deklaratë, Prokurori përpiqet ta arsyetojë vendimin e tij të padrejtë dhe të pazakonshëm, duke pretenduar se unë dhe Presidenti kemi tentuar të pengojmë punën e Dhomave të Specializuara. Dyshimet e ngritura janë plotësisht të pavërteta dhe nuk qëndrojnë”, është shprehur Veseli.

“Një tjetër shqetësim është dyshimi i bazuar se motivet e vërteta të këtij Prokurori janë krejtësisht politike. Duke pasur parasysh kohën dhe rrethanat, pak ditë para takimit në Shtëpinë e Bardhë, me të drejtë janë ngritur dyshime se kjo është rastësi”, ka shtuar politikani kosovar.

Deklarata e plotë e kryetarit të PDK-së, Kadri Veseli:

Zyra e Prokurorit Special në kuadër të Dhomave të Specializuara ka lëshuar sot një deklaratë për shtyp, ku njofton se ka ngritur pretendime për aktakuzë ndaj meje dhe Presidentit Thaçi.

Në një veprim të paprecedentë, Prokurori ka lëshuar deklaratën para se Gjykata t’i konfirmojë ose rrëzojë akuzat e ngritura që ai pretendon.

Në këtë deklaratë, Prokurori përpiqet ta arsyetojë vendimin e tij të padrejtë dhe të pazakonshëm, duke pretenduar se unë dhe Presidenti kemi tentuar të pengojmë punën e Dhomave të Specializuara.

Dyshimet e ngritura janë plotësisht të pavërteta dhe nuk qëndrojnë.

Po ashtu, nuk ka kurrfarë baze për pretendimet për pengim të punës së gjykatës.

Dhe është shqetësim i thellë gjuha e tillë e adresimit me të pavërteta.

Një tjetër shqetësim është dyshimi i bazuar se motivet e vërteta të këtij Prokurori janë krejtësisht politike.

Duke pasur parasysh kohën dhe rrethanat, pak ditë para takimit në Shtëpinë e Bardhë, me të drejtë janë ngritur dyshime se kjo është rastësi.

Asnjë prokuror, asnjëherë nuk do të duhej të lejonte që vendimet e tij të udhëhiqen nga motive politike.

Me këtë qasje, Prokurori ka paralajmëruar rrugën që ai pretendon ta ndjek për ta ushtruar të gjithë pushtetin e tij.

Ai po e paralajmëron popullin e Kosovës se ky proces nuk mund të jetë i besueshëm për të ndarë drejtësi të paanshme, dhe të pandikuar nga rrethanat politike.

Ai po përpiqet që përmes deklaratave kundërthënëse të mbulojë motivet e vërteta, që duket se janë politike.

Dua t’i siguroj të gjithë qytetarët se nuk do të lejoj që ky Prokuror dhe asnjë tjetër si ai, ta njollosë në këtë mënyrë Ushtrinë Çlirimtare të Kosovës.

Ne kemi qenë të detyruar që ta mbrojmë veten dhe vendin tonë. Dhe do ta bëjmë sërish.

Nëse na imponohet, edhe një herë do të demonstrojmë me fakte se UÇK ka zhvilluar një luftë të ndershme për liri, kundër një prej ushtrive më të fuqishme dhe më agresore në botë, të udhëhequr nga një bandë kriminale serbësh.

Luftëtarët e lirisë, që në vitet 1998 e 1999 morën armët në duar për të mbrojtur popullin, familjet, shtëpitë dhe nderin e tyre, ndaj përpjekjeve gjenocidale të Serbisë, meritojnë vetëm nderim e lartësim dhe jo fyerje në këtë mënyrë.

Jam krenar që kam qenë pjesë e luftës çlirimtare të popullit të Kosovës dhe e mohoj plotësisht çdo përfshirje në ndonjë akt kriminal.

Luftëtarët trima të UÇK-së janë mbrojtës, heronj të luftës, që kanë luftuar kundër një agresori të egër serb, dhe nuk janë kriminelë lufte.

Tribunali Ndërkombëtar për Krime të Luftës në ish-Jugosllavi tanimë ka trajtuar ngjarjet e luftës në Kosovë në pesë gjykime të ndara.

Në fund të këtyre gjykimeve, gjashtë udhëheqës të Serbisë janë shpallur fajtorë dhe janë dënuar për krime lufte dhe për krime kundër njerëzimit, kundër popullatës civile shqiptare.

Ndërsa, të gjithë udhëheqësit e lartë të UÇK-së ishin shpallur të pafajshëm.

Kjo flet për të vërtetën se krimet në Kosovë janë kryer nga serbët dhe jo nga shqiptarët.

Deklarata e sotshme e Prokurorit është një përpjekje tjetër për të rishkruar historinë, duke e shtrembëruar të vërtetën për luftën tonë të shenjtë çlirimtare.

E kam për nder e privilegj qe ta mbroj Kosovën edhe një herë, nëse na imponohet.

E di se do ta kem edhe mbështetjen tuaj për ta mbrojtur luftën çlirimtare, lirinë tonë, UÇK-në dhe historinë e Kosovës kundër këtyre pretendimeve të njëanshme.

Ai që ka qenë luftëtar nuk mërzitet, sepse e di pse ka luftuar. Prej ditës së parë kam qenë në UÇK. Do t’i shërbej kombit tim deri në fund.

Lufta e UÇK-së ishte e shenjtë. Ajo do të mbetet e tillë në zemrat dhe mendjet tona.

Historia e Kosovës një herë është shkruar. Askush, kurrë nuk mund ta ndryshojë atë.

Liria dhe pavarësia jonë nuk do të zhbëhen kurrë.

Kosova dhe populli i saj do të ekzistojnë përherë.

Faleminderit familjes sime. Faleminderit popullit tim!

- ISLAMSHOP.CH -
- ISLAMSHOP.CH -

Të fundit

Kosovë : Vdes një person nga Podujeva, shkak covid-19

Ka ndërruar jetë edhe një person i prekur me koronavirus. Bëhet fjalë për Ajfer Fetahun nga Podujeva, identitetin e...

Britania nuk rekomandon maska në zyra!

Ministri i Shëndetësisë në Britani, Matt Hancock, tha se qeveria nuk do të rekomandojë që njerëzit të vendosin maska në zyra, pas...

Gjermani janë regjistruar 534 raste të reja me COVID-19 në 24 orët e fundit.

Sipas të dhënave nga autoritetet gjermane, shifra e infektimeve ka kaluar numrin 200 mijë. Ndonëse është në mesin e...

Xhamia e Madhe në Kordobë me vite e hapur vetëm për ritet fetare katolike

Xhamia e Madhe e Kordobës, e ndërtuar nga viti 785 deri në 987, ishte xhamia më e madhe në Spanjë dhe një...

Zëdhënësja e KE: Thelbësore që marrëveshja e 5 qershorit për reformën zgjedhore në Shqipëri të ruhet

Zëdhënësja e Komisionit Europian Ana Pisonero i është bashkuar partnerëve ndërkombëtarë të Shqipërisë që bëjnë thirrje për miratimin dhe zbatimin e marrëveshjes...