Regjimi i Bashar al Asadit në Siri dhe grupet e huaja terroriste, përkundër marrëveshjes së Soçit të arritur për mbrojtjen e armëpushimit, kryen sulm në Idlib ku humbën jetën 5 persona.
Regjimi dhe grupet e huaja terroriste të mbështetura nga Irani po kryejnë sulme me armë të rënda ndaj vendbanimeve civile që ndodhen brenda kufijve të “Zonës së Deeskalimit të Idlibit” dhe në rajonin i cili sipas marrëveshjes së Soçit është pastruar nga armët e rënda.
Regjimi i Asadit dhe përkrahësit e tij kanë kryer sulm me raketë ndaj qytezës Jarjnaz në zonën rurale lindore të Idlibit, në rajonin ku ndodhen një numër i madh i shkollave.
Drejtori i Mbrojtjes Civile në Idlib (Helmetat e Bardha), Mustafa Haxh Yusuf në një deklaratë për AA tha se “Në orët kur nxënësit dalin nga mësimi, është kryer një sulm ndaj qytezës Jarjnaz. Si pasojë e sulmit kanë humbur jetën gjithsej 5 civilë, 2 prej tyre nxënës ndërsa 3 të tjerë gra”.
Që nga 17 shtatori, kur është nënshkruar marrëveshja e Soçit, e deri më tani, në sulmet e regjimit kanë humbur jetën gjithsej 32 civilë ndërkaq u plagosën një numër i madh personash.
Vazhdojnë sulmet e forcave të regjimit, ndërkaq ushtarët opozitarë më 10 tetor tërheqën armët e rënda nga rajonet e përcaktuara sipas marrëveshjes së Soçit./Rtv Islam/
